Jang Seru: Alexis Ditutup

0
Bujang Seru. Ilustrasi: Riko
Cerita pada rubrik “Jang Seru” ini hanya fiktif. Jika ada kesamaan nama, tempat, waktu, maupun peristiwa, itu adalah kebetulan belaka.
Pagi ni, Ucok, Bujang samo Kulup tumben-tumben datang serempat ke warung Wak Dolet. Ketigonyo nampak lagi asyik cerito sampai akhirnyo Wak Dolet ngampiri meja tempat ketigonyo duduk.
Wak Dolet: Hah, apolagi yang budak-budak ni ributin?
Bujang: Ini na, Wak. Alexis ditutup.
Kulup: Iyo, Wak.
Ucok: Hari ni dapat kabarnya, Wak.
Wak Dolet diam. Bingung.
Wak Dolet: Alexis tu apo?
Ucok: Alamaaak… Susah kali bicara sama orang tua. Alexis aja nggak tau!
Kulup: Itu na, Wak, tempat hiburan di Jakarta.
Bujang: Yang mantap tu na, Wak.
Wak Dolet geleng-geleng.
Wak Dolet: Awak di Jambi, ngurus orang di Jakarta. Aneh nian kamu betigo ni.
Bujang: Bukan gitu, Wak. Kito dak masalah kalau Alexis ditutup. Yang jadi masalah, orang Alexis tu bantah kalau tempat dio tu sarang mesum.
Ucok: Betul itu, Wak. Sarang segala sarang itu di Jakarta. Eh, malah bantah. Aneh kan.
Wak Dolet diam lagi. Dio bejalan ke dapur, ngambek kopi tigo gelas. Sedang Bujang, Kulup, samo Wak Dolet makin seru becerito.
Wak Dolet: Alexis tu yang di mano? Apo usahanyo?
Wak Dolet masih penasaran, betanyo lagi pas ngantar gelas ke tigo sekawan tu.
Ucok: Aku tahu benar tempat hiburan tu, Wak. Tau niaaan…
Kulup: Aku jugo, Wak.
Bujang: Samo, Wak, aku tahu jugo.
Wak Dolet: Kalo orang tu bantah, apolah masalahnyo buat kamu betigo. Atau kalo memang kamu protes, bikin be di status medsos kamu, trus bilang kalau tempat itu memang betul tempat mesum. Kan biso bae kek gitu.
Ketigonyo langsung tediam.
Wak Dolet: Nah, ngapo dak bebunyi ni.
Ucok: Persoalannya, Wak. Kalau kita protes lagi dengan protes mereka, bisa-bisa orang tau kalau kami sering ke situ…
Wak Dolet: Alamaaaaak…(serujambi.com)
Loading Facebook Comments ...
loading...