Jang Seru: Bengkak-bengkak

0
Jang Seru. Foto: Riko/SeruJambi
Cerita pada rubrik “Jang Seru” ini hanya fiktif. Jika ada kesamaan nama, tempat, waktu, maupun peristiwa, itu adalah kebetulan belaka.

Bujang samo Kulup lagi sibuk dengan hape-nyo. Duduk di warung Wak Dolet, keduonyo asyik dengan aktivitas masing-masing. Malah, pas Wak Dolet ngantar kopi ke meja orang tu, dak sekok pun yang negur Wak Dolet.
Wak Dolet: “Nak mati nian dengan anak sekarang ni. Sibuk dengan hape bae kerjonyo.”
Bujang: “Slow, Wak.”
Kulup dak ado reaksi. Dio diam bae.
Seharian tu orang betigo tu sediaman, sampe sore, sampe balek, dak ado sekok cerito pun yang keluar dari ketigonyo. Wak Dolet sampai bingung dibuatnyo.
Besoknyo, Bujang samo Kulup datang lagi pagi-pagi ke Warung Seru punyo Wak Dolet. Masih kayak kemaren, keduonyo sediaman bae. Bedanyo, di meja masing-masing sekarang ado kunci mobil.
Wak Dolet takjub nengok duo kunci mobil tu.
Wak Dolet: “Ni kunci mobil sapo?”
Bujang-Kulup: “Punyo sayo.”
Wak Dolet: “Waiii… menang togel beli mobil cak nyo ni.”
Bujang: “Basing bae, kami ni begawe, Wak.”
Kulup: “Ntah, Wak ni, nuduh bae. Halal gawe ni, Wak.”
Wak Dolet nanyo apo gawe budak beduo tu. Dijelaskan orang tu, gawe-nyo sederhana. Modal jari samo hape bae.
Tugasnyo nge-like postingan orang di medsos, nge-share postingan-postingan orang, nge-follow dan semacamnyo. Pokoknyo, gawe itu bae, Bujang samo Kulup beduit nian sekarang.
Wak Dolet langsung mintak ajarin.
Lusanyo, warung Wak Dolet dak bukak. Tutup. Pelanggan pado balek dan kecewa dibuatnyo.
Bujang samo Kulup yang lah terlanjur main ke situ, nunggu lah di depan pintu sambil manggil-manggil Wak Dolet. Dak berapo lamo, keluar Cik, bini Wak Dolet.
Cik: “Wak sakit, Jang, Lup. Sejak semalam. Makonyo tutup sebentar.”
Bujang: “Sakit apo, Cik? Boleh kami nengok?”
Cik: “Masuk be lah. Dio di kamar, lantai duo.”
Bujang samo Kulup langsung kaget nengok Wak Dolet yang tebaring elok di kasur.
Bujang: “Sakit apo, Wak?”
Wak Dolet ngangkat tangannyo. Mulai dari jari jempol, telunjuk sampai kelingkingnyo bengkak-bengkak.
Wak Dolet: “Gara-gara ngikut gawe kamu lah ni. Duit dak dapat, penyakit tibo.”
Bujang samo Kulup senyum-senyum.(serujambi)
Loading Facebook Comments ...
loading...