JANG SERU: Kandidat Kawin Lagi

0
Bujang Seru. Ilustrasi: Riko
—–Cerita pada rubrik “Jang Seru” ini hanya fiktif. Jika ada kesamaan nama, tempat, waktu, maupun peristiwa, itu adalah kebetulan belaka.—–
Ucok: “Wak! Kopi kek biasa, ya! Gulanya sedikit!”
Wak Dolet: “Iyo! Bentar!”
Dak lamo Wak Dolet ke luar bawak kopi pesanan Ucok.
Wak Dolet: “Tumben dewek an awak ni, Cok? Mano Bujang samo Kulup?”
Ucok: “Bujang lagi ke tempat Kulup, Wak.”
Santai, Ucok nyeruput kopi yang panas tu sampe habis setengah gelas.
Wak Dolet: “Lah macam badak awak ni, Cok. Apo dak panas tu?”

BACA JUGA: Nak ke Amerika

Ucok: “Panas kayak gini yang enak kali rasanya.”
Wak Dolet: “Hah, apohal Bujang ke tempat Kulup tu, Cok?”
Ucok mandangi Wak Dolet. Mukonyo kayak orang bingung.
Ucok: “Alamak, gak dengar kabar apa orang tua satu ini. Eh, Wak, Si Kulup itu kan lagi kawin hari ini.”
Wak Dolet: “Astaga! Budak degil tu bukannyo lah punyo bini?”

BACA JUGA: Lengkap Semua

Ucok: “Sudahlah, Wak. Tapi itu tadi, kawin lagi kubilang. Udah pekak rupanya kuping Wak ini.”
Wak Dolet duduk samping Ucok. Trus bisik-bisik.
Wak Dolet: “Sapo yang jadi bini mudo Kulup tu, Cok? Cantik? Cam mano orangnyo?”
Ucok minum kopi lagi. Habis sampai besiso ampas be di gelas bening tu.
Ucok: “Kudengar itu kecelakaan. Biasalah, Wak, kenakalan orang tua…”
Wak Dolet: “Kenakalan cam mano, Lup?”
Ucok: “Ais, sudah lah, Wak. Malas aku ngomongi orang, urusan dianya mo kawin lagi apa gak.”

BACA JUGA: Donatur Calon

Dak lamo Bujang datang. Duduk samping Ucok, trus ngoceh panjang.
Bujang: “Parah Kulup ni, Wak. Aku baru dari tempat dio kawinan, eh, taunyo bini mudonyo tu jando yang baru cerai. Parah dak tu, Wak.”
Ucok santai bae sambil makan goreng. Kening Wak Dolet bekerut.
Wak Dolet: “Kan lah jando, dak masalah lah tu. Tapi cerainyo kenapo?”
Bujang: “Kabarnyo, waktu betino tu masih jadi bini orang, diam-diam dipacari Kulup. Dak lamo lakinyo tau, habis tu dicerai. Eh, habis cerai, mungkin kareno dak keenakan atau lah keenakan, betino tu langsung dikawini samo Kulup.”
Ucok: “Parahnya lagi, ni, ya, Si Kulup ini kan mo nyalon kepala daerah. Masak kandidat bikin skandal begini, rusak suaranya nanti, ya, kan, Wak?”
Wak Dolet: “Yo jugo tu, Cok. Kalo mak-mak tau dio bikin keluargo orang pecah, habis tu ngawini jando yang cerai gara-gara dio, wai, dak ado lagi yang nak milih dio.”
Bujang: “Tu lah, masalahnyo, Wak. Lah kuingatkan dari maren-maren, tapi dio dak mau dengar. Capek jadi tim sukses kalo kek gini kelakuan kandidat.”
Ucok: “Ya, sudah, kau brenti aja jadi tim sukses.”
Eh, Kulup datang. Kukunyo masih ado inai. Senyumnyo lebar nian.
Tapi pas lah dekat meja, Wak Dolet, Ucok samo Bujang langsung tegak. Trus ninggalin Kulup yang tegak temenung.(serujambi.com)
Loading Facebook Comments ...
loading...