JANG SERU: Nak ke Amerika

1
—–Cerita pada rubrik “Jang Seru” ini hanya fiktif. Jika ada kesamaan nama, tempat, waktu, maupun peristiwa, itu adalah kebetulan belaka.—–
Hari masih pagi. Bujang lah tegak depan warung Wak Dolet yang belum bukak. Pas pintu tebukak, dio langsung ngambur ke dalam, duduk, trus diam di meja sudut tempat biaso.
Wak Dolet geleng-geleng nengok anak sekok tu.
Wak Dolet: “Apolagi cerita awan ni pagi ko, Jang?”
Bujang diam. Matonyo nengok tajam ke tivi di dinding.
Bujang: “Tolong hidupkan tivi tu, Wak.”
Wak Dolet: “Anak kurang ajar, ditanyo orang tuo dak jawab, malah mrintah-mrintah.”
Bujang: “Mintak tolong nian ni, Wak, idupin tivi tu.”
Wak Dolet geleng-geleng lagi. Pelan dio ngambek remote, trus dipencetnyo tombol ijo. Dak lamo tivi tu idup.

BACA JUGA: “Istri Sayo Selingkuh, Wak…”

Lah idup, Bujang malah diam. Asyik nian dio nengok tivi tu sambil ngoceh-ngoceh.
Wak Dolet nyerah, trus dio masuk ke dapur. Seperempat jam kemudian, Wak Dolet ke luar bawak kopi segelas. Ditengoknyo di meja tu lah ado Kulup samo Ucok. Ketigonyo serius nian nonton tivi yang lagi siaran berita.
Wak Dolet penasaran, dio duduk jugo dekat tigo sekawan tu, habis tu nengok ke tivi.
Wak Dolet: “Ado brita heboh yo?”
Ketigonyo diam.
BACA JUGA: Panjat Pinang
Wak Dolet: “Woi, Wak ni nanyo! Astagaaa…”
Bujang: “Diam lah dulu wak.”
Ucok: “Bikin kopi dulu lah, Wak, nanti kita crita-crita lagi.”
Kulup ngango. Matonyo melotot ke arah tivi, idak nian ditolehnyo Wak Dolet.

BACA JUGA: Protes Dana Haji

Lagi-lagi Wak Dolet nyerah. Dio pegi lagi ke dapur, bikin kopi, habis tu ngantar kopi duo gelas untuk Kulup samo Ucok. Di meja, ditengoknyo tigo orang tu lagi ngota, seru nian.
Wak Dolet: “Apo dio kamu betigo ni… macam srius nian.”
Bujang: “Jenderal sayo diusir Amerika, Wak. Apo nian kendak budak tu, nak kupeci galo kuduk orang tu.”
Wak Dolet: “Maaak…!”
Ucok: “Iya, sementara Cina mulai menjajah kita lagi lewat ekonominya, Wak. Apa gak sial itu.”

BACA JUGA: Mancing

Kulup: “Kalo sayo geram samo Myanmar, dari maren orang muslim bae yang dibantainyo, Wak.”
Wak Dolet bingung, mano nak ditanggapi dulu.
Wak Dolet: “Apo urusan kito ni, budak-budak nakal? Kito ni jauh, di Jambi, nyo ntah di mano-mano.”
Bujang: “Sayo nak ke Amerika, Wak.”
Kulup: “Sayo ke Myanmar.”
Ucok: “Kalo saya mau ke Cina.”
Wak Dolet: “Maaak… Nak ngapo ke situuuu!!!”
Bujang: “Nak meci orang Amerika.”
Kulup: “Nak bantai orang Myanmar.”
Ucok: “Mau menjitak kepalak orang Cina di sana.”
Wak Dolet narek napas panjang, trus niup kencang-kencang. Dak lamo dio geleng-geleng.
Wak Dolet: “Memang kamu pernah naek pesawat? Tau tu di mano Amerika, Myanmar samo Cino? Punyo duit nak ke situ?”
Ketigonyo tengok-tengokan, trus geleng-geleng. Muko dak beduso.
Wak Dolet langsung jitak sekok-sekok kepalak budak betigo tu. “Pletak!”
Wak Dolet: “Jahanam, pagi-pagi lah mancing emosi bae. Lah, balek be kamu galonyo.”
Ketigonyo langsung ngambur nengok Wak Dolet megang sapu.(serujambi.com)

 

BACA CERITA LAIN JANG SERU, KLIK DI SINI

Loading Facebook Comments ...
loading...