JANG SERU (Humor): Rajo Foto

0
Bujang Seru. Ilustrasi: Riko

—–Cerita pada rubrik “Bujang Seru” ini hanya fiktif. Jika ada kesamaan nama, tempat, waktu, maupun peristiwa, itu adalah kebetulan belaka (versi Indonesia ada di bawah naskah berbahasa Jambi).——

 

Masih pagi nian waktu Kulup sampai di warung kopi punyo Wak Dolet. Dia nenteng selembar koran. Mukonyo kusut.

Wak Dolet: “Apohal, Lup? Pagi-pagi lah macam dompet bulan tuo muko awak ni.”

Kulup diam. Dio bejalan lambat, ambek kursi, trus duduk di dekat pintu masuk.

Kulup: “Kopi sekok, Wak.”

Wak Dolet cepat-cepat ke dapur sambil geleng-geleng kepalak. Dak berapo lamo, dio bawak secangkir kopi yang masih ngepul asapnyo.

Penasaran, Wak Dolet duduk di samping Kulup.

Wak Dolet: “Apo crito?”

Kulup: “Aku ko lah pening nian, wak. Negeri ko makin hari makin gelap kutengok. Ntah apo-apo gawe rajo kito tu.”

Wak Dolet: “Nah, ngapo cam tu?”

Kulup: “Iko hah, Wak. Wak tengoklah rajo kito ko. Sepanjang hari sibuk befoto bae dio. Macam dak ado gawe lain be.”

Wak Dolet langsung nengok koran yang dibawak Kulup. Trus dio tegak.

Wak Dolet: “Wai, Luuup, aku yang macam ko dak ikut-ikut. Ngeri nian Lup.”

Kulup: “Apo pulak Wak, ni? Aku kan cumo ngomong bae.”

Wak Dolet: “Sudahlah, Lup. Mending kau urus urusan kau dewek. Nyo tu rajo kito. Salah ngomong kagek saro idup kau.”

Kulup: “Wai, Wak. Nak kritik bae lah dak boleh lagi apo?”

Wak Dolet: “Boleh lah, asal telap tanggung resiko. Kau tau dak, ado koran yang kritik dio, tahu-tahu diboikot samo rajo tu.”

Kulup: “Wai, iyo nian apo, Wak?”

Wak Dolet: “Dengar-dengar gitu, Lup. Makonyo, kau diam bae lah. Nyari damai Lup.”

Kulup: “Kalau memang cam tu, betul jugo yang Wak kato. Aku diam-diam bae lah. Ngeri pulak.”

Bujang: “Oi Wak, kopi setengah. Gulo banyakkan yo!”

Tibo-tibo Bujang muncul.

Kulup: “Awak ni, Jang, dak berubah-rubah. Tiap ke sini nyari ribut bae.”

Bujang: “Biasolah, Lup. Keno duo nomor malam tadi! Hahahahahaha!”

Kulup: “Maaak, mantap tu, Jang. Boleh cicipin kawan ko.”

Bujang: “Malas.”

Kulup: “Makin pelit nian awak ni, Jang. Ckckckck….”

Bujang: “Apo crito dengan Wak Dolet tadi?”

Kulup: “Soal rajo kito, lah, Jang. Tapi aku dak berani lagi cerito ke kau.”

Bujang: “Wai, kalo soal rajo tu, mending dak usahlah, Lup. Keras nian dio tu. Apo-apo pakek hukuman. Salah dikit ditarajangnyo dari sampingnyo. Selesai idup kito, Lup.”

Kulup: “Neeee, awak ni, Jang. Tu awak cerito-cerito juga. Ckckckck….”

Bujang: “Astaga. Iyo pulak, dak.”

Wak Dolet keluar bawak kopi.

Wak Dolet: “Masih nyeritoin rajo, yo?”

Kulup-Bujang (serempak): “Idak, Wak.”

Kulup: “Ampuuun!”(*)

—versi Indonesia—

Raja Foto

Masih sangat pagi ketika Kulup tiba di warung kopi milik Wak Dolet. Dia membawa selembar koran. Mukanya kusut.

Wak Dolet: “Ada apa, Lup? Pagi-pagi sudah seperti dompet bulan tua mukamu.”

Kulup diam. Dia berjalan pelan, mengambil kursi, lalu duduk di dekat pintu masuk.

Kulup: “Kopi segelas, Wak.”

Wak Dolet berjalan cepat ke dapur sambil geleng-geleng kepala. Tak berapa lama, dia membawa secangkir kopi yang asapnya masih mengepul.

Penasaran, Wak Dolet duduk di samping Kulup.

Wak Dolet: “Ada apa crita, nih?”

Kulup: “Saya sudah sangat pusing, wak. Negeri ini makin hari makin gelap kelihatannya. Entah apa kerja raja kita itu.”

Wak Dolet: “Lah, kok gitu?”

Kulup: “Begini, Wak, Wak perhatikanlah raja kita. Setiap hari sibuk berfoto saja dia. Seperti tidak ada kerjaan lain saja.”

Wak Dolet langsung melihat koran yang dibawa Kulup. Lalu ia berdiri.

Wak Dolet: “Wai, Luuup, saya yang seperti ini tidak mau ikut-ikutan. Takut, Lup.”

Kulup: “Kenapa takut, Wak? Saya kan cuma bicara.”

Wak Dolet: “Sudahlah, Lup. Mending kamu urus urusanmu sendiri. Dia itu raja kita. Salah bicara nanti susah hidupmu.”

Kulup: “Wai, Wak. Masa mengkritik saja tidak boleh?”

Wak Dolet: “Boleh, asal sanggup menanggung resikonya. Kamu tahu ndak, ada koran yang berani mengkritik dia, tahu-tahu diboikot sama raja itu.”

Kulup: “Wai, iya apa, Wak?”

Wak Dolet: “Dengar-dengar begitu, Lup. Makanya, kamu diam saja lah. Nyari damai, Lup.”

Kulup: “Kalau memang seperti itu, betul juga yang Wak bilang. Saya diam-diam saja lah. Ngeri.”

Bujang: “Oi Wak, kopi setengah. Gula dibanyakkan ya!”

Tiba-tiba Bujang muncul.

Kulup: “Kamu ini, Jang, ndak berubah-rubah. Tiap ke sini nyari ribut terus.”

Bujang: “Biasalah, Lup. Kena dua nomor malam tadi! Hahahahahaha!”

Kulup: “Maaak, mantap itu, Jang. Boleh cicipi kawan ini.”

Bujang: “Malas.”

Kulup: “Makin pelit saja kamu ini, Jang. Ckckckck….”

Bujang: “Apa cerita dengan Wak Dolet tadi?”

Kulup: “Soal raja kita, lah, Jang. Tapi aku ndak berani lagi cerita ke kamu.”

Bujang: “Wai, kala soal raja itu, mending ndak usahlah, Lup. Kejam dia itu. Apa-apa pakai hukuman. Salah sedikit bisa diterjang dari sampingnya. Selesai hidup kita, Lup.”

Kulup: “Nah, kamu ini, Jang. Itu kamu cerita-cerita juga. Ckckckck….”

Bujang: “Astaga. Iya ya.”

Wak Dolet keluar membawa kopi.

Wak Dolet: “Masih nyeritain raja, ya?”

Kulup-Bujang (serentak): “Ndak, Wak.”

Kulup: “Ampuuun!”(*)

 

—–Cerita pada rubrik “Bujang Seru” ini hanya fiktif. Jika ada kesamaan nama, tempat, waktu, maupun peristiwa, itu adalah kebetulan belaka.——

 

Loading Facebook Comments ...
loading...
Hosting Unlimited Indonesia MEDIA PARTNER: